ඔන්න ඉතින් කාලෙකට පස්සෙ වෙලවක් හොයා ගත්ත ඊළග පාඩම ලියන්න. ඇත්තම කිව්වොත් මේ වෙලාව අනිත් හැමදාටම වඩා භයානක වෙලාවක්. මොකද මට රට වටේ විභහග තොගයක් නොනවත්වා තියෙන දවස්... හරි ඒ කථා වලින් වැඩක් නෑ, කෙළින්ම අද පාඩමට බහිමු.ඔන්න අද අපි සියලු දෙවි දේවතාවුන්ගෙ පිහිට ආරක්සාවයි කියල අපේ පළවෙනි ජාවා වැඩ සටහන ලියන්නයි යන්නේ.එකට මුලින් තම තමන්ගේ පරිඝනක වලට JDK ස්ථාපනය කරගෙන තියෙන්න ඕනෙයි.කළින් පාඩමේ කිව්වනේ ඒක කොහෙන්ද බාගන්න පුලුවන් කියලා.කළින් පාඩම කියවන්න බරි වුණානම් වහාම මෙතන්ට යන්න .... :P
ඔන්න එහෙනම් ඔයා ස්ථාපනය කරගෙන වැඩේට බහින්න...හරි දැන් මුලින්ම තමන් කැමති තැනක කැමැති නමකින් folder එකක් හදාගන්න.ඊට පස්සේ Notepad එක open කරගෙන මේ පහලින් තියෙන coding කොටස type කරන්න.
class HelloWorld {public static void main(String args[]) {System.out.println(“Hello World!”);}}
1.) Class එකේ නම
2.) { - Class එකක හෝ method එකක ආරම්භය
} – Class එකක හෝ method එකක අවසානය
3.) ප්‍රධාන method එක.මෙතන තමා අපේ program එකේ ආරම්භක ස්ථානය වෙන්නේ.
4.) මේක තම ජාවා වලින් මොනවා හරි display එකේ display කරගන්න ඔනෙනම් පාවිච්චි කරන command එක. මේකේ " " ඇතුලේ ලියන ඕනෑම දෙයක් ඒ විදිහටම screen එකේ පෙන්නනවා. (මේ දේවල් ගැන ඉදිරියේදී විස්තරාත්මකව සාකච්ඡා කරනවා.)
5.) Statement එකක අවසානය සටහන් කරන්නේ “;” ලකුණ යෙදීමෙනි.
ඊටත් පස්සේ ඒ save කරගන්න ඕනේ පහත විදිහට.
Save as type : එකට “All files” තෝරලා පහල විදිහට file name දීලා අර කලින් හදපු folder එක ඇතුලෙ save කරන්න.
ඊට පස්සේ කරන්න තියෙන්නේ Command prompt එක open කරගෙන අර මුලින් හදා ගත්තfolder එක ඇතුලට prompt එක ගන්න එකයි.
ඒකට කරන්න මෙන්න මෙච්චරයි දැන ගන්න ඕනේ,
Folder එකක් ඇතුලට යන්න නම් “cd folder_name” විදිහට type කරල Enter ඔබන්න.
Folder එකකින් එළියට එන්න ඕනේනම් “cd..” කියලා type කරල “Enter” ඔබන්න.
ඔන්න ඔය දෙක පාවිච්චි කරලා අර කලින් හදා ගත්ත එක ඇතුලට එක ගන්න.
මේකේ path එකට දෙන්න ඕනේ තමන්ගේ පරිගනකයේ JDK ස්ථාපනය කරලා තියෙන තැනේ තියෙන bin folder එකේ path එකයි. ඒක තම තමන් ස්ථපනය කරන තැන අනූව වෙනස් වෙනවා.
ඔන්න දැන් අපිට බයක් සැකක් නැතුව අපි හදා ගත්ත ජාවා program එකක් වැඩ කර වල බලන්න පුලුවන්.
ඒක වැඩ කර වල බලන්න කලින් අපි අර ලියා ගත්ත එකේ class ෆයිල් එක හදා ගන්න ඕනේ. ඒ කියන්නේ අපි අර හදා ගත්ත එක කම්පයිල් (compile) කරන්න ඕනේ. ඒකට කරන්න තියෙන්නේ මෙච්චරයි,
>javac file_name.java කියල දීලා Enter එබීම පමණයි.
උදාහරණයක් විදිහට අපි දැන් ලියා ගත්ත එක කම්පයිල් කරන විදිහ බලමු.
වැරදි මුකුත් නැත්නම් කිසි කරදරයක් නැතුව අපි ලියපු ජාවා program එකේ byte-code ෆයිල් එක හැදෙනවා. වැරදි තිබ්බොත් ඒවා ඊළග පේළියේ පෙන්නනවා.
ඒත් මේකෙ එහෙම මුකුත් පෙන්නල නැති නිසා අපේ එකේ වැරදි මුකුත් නෑ. දැන් අපිට අපි හද ගත්ත program එක run කරල බලන්න පුලුවන්.
ජාවා program එකක් run කරන්නේ මෙන්න මෙහෙමයි.
java කියල type කරල අර අපි save කර ගත්ත ජාවා ෆයිල් එකේ අග කොටස(extension එක) නැතුව type කරල Enter ඔබන්න. Run කරන්න HelloWorld.java හෝ HelloWorld.class බාවිතා නොකරන්න.
ඔන්න අපේ program එක වැඩ කළා. ඒකෙ ලියපු කෝඩින් එක මතක් කරගන්න. මොකද්ද අපි කරන්න කිවුවේ? Screen එකේ “Hello World!” කියල display කරන්න කියලනේ අපි ලිව්වේ. ඔන්න ඒක වුණා.
මේ කියපු දේ ඒ විදිහටම කළා නම් ඉහත ප්‍රථිපලය ඔයාට ලැබෙන්න ඕනේ. ඉහත ප්‍රථිපලය ඔයාට ලැබුනා නම් මගේ උණුසුම් සුභ පැතුම්... ඔයා ඔයාගේ පළමු ජාවා වැඩ සටහන සාර්ථාකව නිර්මාණය කරලා.
